दिपेन्द्र यादव/सुनसरी – नेपाल निजामति कर्मचारी युनियन सुनसरीको नवौं जिल्ला अधिवेशनबाट हिरा साह अध्यक्षमा निर्विरोध चयन भएका छन्। राष्ट्रसेवा, निष्पक्षता, तटस्थता र कर्मचारी एकता भन्ने नाराका साथ सम्पन्न अधिवेशनमा ६३ प्रतिशतभन्दा बढी प्रतिनिधिहरूको उपस्थिति रहेको थियो।
अधिवेशनपछि अध्यक्ष हिरा साहले नेपाल निजामति कर्मचारी युनियन केन्द्रीय कार्यसमिति, काठमाडौंलाई पठाएको आधिकारिक पत्रअनुसार जिल्ला समिति, प्रदेश पार्षद तथा केन्द्रीय पार्षदहरू सबै निर्विरोध निर्वाचित भएका छन्। युनियनको विधानअनुसार अधिवेशन विधिसम्मत रूपमा सम्पन्न भएको जनाइएको छ।
नवगठित जिल्ला कार्यसमितिमा अध्यक्ष: हिरा साह, उपाध्यक्ष (खुला): सन्दीप सुवेदी, उपाध्यक्ष (महिला): मिस्ता कोईराला, उपाध्यक्ष (समावेशी): श्रीती कुमारी मेहता, सचिव: उमेश राई, सहसचिव (युवा): सन्तोष अधिकारी, कोषाध्यक्ष: माहमद कैयुम अंसारी चयन भएका छन् ।
त्यसैगरी खुला सदस्य: मन्दिरा कार्की, निश्चल घिमिरे, कल्पना पहाडी, दुर्गामाया खड्का, सस्मीता लुइटेल (के.सी.) चयन भएको हाे ।श्रेणीविहीन सदस्य: मिनबहादुर श्रेष्ठ, अमरलाल शाह,महिला सदस्य: मेनुकला राई, कविता रम्तेल ,समावेशी सदस्य: ब्रजकुमार झा, हरेराम शाह , मनोनित सदस्य: सगुन किराँत रहेका छन् महाधिवेशन प्रतिनिधि र प्रदेश पार्षद समेत चयन गरेका छन् ।
केन्द्रीय महाधिवेशन प्रतिनिधिहरूमा निखिल पोखरेल, राजु ढुंगाना, रेवती कुमार कोईराला, छवीलाल खनाल, ढकराज कटुवाल, महेश धिताल, मिठु कुमारी श्रेष्ठ रहेका छन् ।
त्यसैगरी प्रदेश अधिवेशन प्रतिनिधिहरूमा नेत्रप्रसाद न्यौपाने, रोहित तिम्सीना, कैलाशराज के.सी., योगेन्द्र कटुवाल, दुर्गेश कुमार विश्वकर्मा, हुकुमलाल मेहता, मन्जु दाहाल रहेका छन् ।
यता अधिवेशन अघि श्यामकिसोर मण्डलको नेतृत्वमा अर्को प्रतिस्पर्धी जिल्ला समिति गठन भएको घोषणा गरिएको थियो। तर, अधिकृत रूपमा सम्पन्न अधिवेशनबाट हिरा साह नेतृत्वको समिति नै विधिसम्मत रहेको नेपाल निजामति कर्मचारी युनियन सुनसरीले जनाएको छ।
यसैबीच श्रम तथा रोजगार प्रवर्धन विभाग (RoLEP) मा दर्ता नम्बर २१५ रहेको यस समिति विधिसम्मत अधिवेशनबाट चयन भएको जनाइएको छ। नव-निर्वाचित अध्यक्ष हिरा साहले जिल्लाका निजामति कर्मचारीहरूको हकहित रक्षा तथा समस्या समाधानका लागि प्रभावकारी भूमिका खेल्ने प्रतिबद्धता व्यक्त गरेका छन्।
Discussion about this post