सुनसरी — देशभरका साथै सुनसरी जिल्लामा पनि आज विश्वकर्मा पूजा पर्व धुमधामका साथ मनाइएको छ। कालीगढ, मजदुर र प्राविधिक समुदायले आफ्नो पेशासँग सम्बन्धित औजार–उपकरणको विशेष पूजा आराधना गर्दै वास्तु दिवसको रूपमा यस पर्वलाई मनाएका हुन्।
कन्या सङ्क्रान्तिका दिन पर्ने यस पर्वमा सुनसरीका विभिन्न उद्योग, कारखाना र कार्यस्थलहरूमा भगवान विश्वकर्माको बालुवा वा चित्रमूर्ति प्रतिष्ठा गरी विधिपूर्वक पूजा गरिएको छ। कारखानाहरूलाई सजाएर मजदुरलाई सहभागी गराइने यो पर्व श्रमप्रतिको श्रद्धा र उत्पादकत्वप्रतिको प्रेरणास्वरूप मनाउने गरिन्छ।
सुनसरीको इटहरी, दुहबी, इनरुवा, धरानलगायतका क्षेत्रमा उद्योग–व्यवसायी र श्रमिकहरूले बिहानैदेखि औजार, मेसिनरी सामग्री र कार्यस्थलमा पूजा गरेका छन्। स्थानीय कालीगढहरूले बागमती मुहान सुन्दरीजलजस्तै पवित्र स्थल वा नजिकैका नदी–तालमा बालुवाको मूर्ति विसर्जन गर्ने प्रथा अनुसार यस वर्ष पनि पूजा सम्पन्न गरी बिहीबारदेखि मूर्ति विसर्जन गर्ने तयारी गरेका छन्।
धार्मिक विश्वासअनुसार औजारलाई विश्वकर्माको दिन पूजा गरेमा लामो समय टिक्ने, बिग्रिन नदिने र उत्कृष्ट परिणाम दिने मान्यता रहँदै आएको छ। यसैले, आज सुनसरीसहित देशभर कालीगढहरूले श्रम र सिर्जनशीलताको प्रतीकका रूपमा विश्वकर्मा भगवानको आराधना गरी पर्व मनाएका छन्।
Discussion about this post