सुनसरी। पर्साको वीरगन्ज महानगरपालिका–१० स्थित एक अवैध गोदाममा सशस्त्र प्रहरीले छापा मार्दा तस्करको आक्रमणबाट ३ जना प्रहरी घाइते भएका छन्।
सशस्त्र प्रहरी बल १३ नम्बर गण पर्सा, सीमा सुरक्षा गुल्म र वीरगन्ज भन्सार कार्यालयको संयुक्त टोलीले सोमबार बिहान मदनप्रसाद गुप्ताको घरमा अवैध रूपमा राखिएको कपडा बरामद गरेका थिए। यस क्रममा करिब ७ लाख रुपैयाँ मूल्य बराबरको कपडा फेला परेको थियो।
कपडा बरामद भएपछि तस्कर समूहले ढुंगामुढा प्रहार गर्दै प्रहरीमाथि आक्रमण गरेका थिए। यस क्रममा एउटा वानटन र एउटा स्कार्पियो गाडीमा समेत क्षति पुगेको छ। सशस्त्र प्रहरीका सहप्रवक्ता डीएसपी शैलेन्द्र थापाले तीन जना प्रहरी घाइते भएको पुष्टि गरेका छन्।
Discussion about this post