इटहरीमा ‘स्ववियु कप २०८२’ सुरू

इटहरी । विद्यार्थीहरुको प्रतिभा प्रस्फुटन गर्न उद्धेश्यले इटहरीमा सञ्चालित जनता बहुमुखी क्याम्पसमा सोमबारदेखि ‘स्ववियु कप २०८२’ सुरु भएको छ । स्ववियू र क्याम्पसको अतिरिक्त क्रियाकलाप समितिको संयुक्त आयोजनामा सुरु भएको सप्ताहव्यापी खेलकुद कार्यक्रमको कोशी प्रदेशका भौतिक पूर्वाधार विकास मन्त्री प्रदिप कुमार सुनुवारले उद्घाटन गरे ।
खेलकुद सप्ताह उद्घाटनको क्रममा क्याम्पस सञ्चालक समिति, प्राध्यापक र स्ववियू प्रतिनिधीबिच तीन किलोमिटर मैत्रीपूर्ण दौड भएको छ । जनता बहुमुखी क्याम्पसबाट इटहरीबाट सुरु भएको दौड हलगडा हुँदै पुनः क्याम्पसमा पुगेर टुंगिएको हो । चैत १५ गतेसम्म चल्ने खेलकुद सप्ताह अन्तर्गत अन्तर क्याम्पस फुटबलसँगै क्याम्पसका विद्यार्थीबिच भलिवल, कवडी, डोरी तान्न, छेलो, लङ्ग जम्प, बुद्दिचाल र १०० मिटर दौडको खेल गतिविधिी सञ्चालन गरिने स्ववियू सभापति सहदेव काफ्लेले बताए ।
उद्घाटन सत्रमा प्रमुख अतिथि मन्त्री सुनुवारले क्याम्पसको भौतिक पूर्वाधार विकासका लागि आवश्यक सहयोग गर्न आफू तयार रहेको बताए । उनले प्रदेश सरकार क्याम्पसको साथमा रहेको पनि स्पष्ट पारे । क्याम्पस सञ्चालक समिति अध्यक्ष विकास केसीले जनता बहुमुखी क्याम्पसले न्यून शुल्कमा निजी कलेज सरह गुणस्तरीय शिक्षा र सुविधा प्रदान गर्दै आएको उल्लेख गरे । उनले यसका लागि क्याम्पस सञ्चालक समिति निरन्तर सक्रिय रहेको बताए ।
खेलकुद सप्ताहका लागि क्याम्पसमा कार्यरत प्राध्यापकहरुको नेतृत्वमा अनुगमन समिति समेत बनाइएको छ । जसमा जेएमसि रनमा अर्जुन उप्रेती, अन्तर क्याम्पस फुटबलमा मन्दिप भट्टराई, भलिवलमा डाक्टर टोलनाथ काफ्ले, कवडीमा टीकादेवी पौडेल, डोरी तान्नमा यूवराज सिटौला, छेलोमा कमलराज दाहाल, लङ्गजम्पमा पुरुपोत्तम दाहाल, बुद्धिचालमा निलम चौलागाई र दौडमा बिमल नेपाल तोकिएको जानकारी दिइयो । समग्र अनुगमन गर्न क्याम्पस प्रमुख प्राध्यापक डाक्टर गीता अधिकारी रहेको जनाइएको छ ।

खेलका लागि सहजर्ताको रुपमा प्राध्यापक मोहन नेपाल र पिताम्बर ढकाललाई जेएमसि रन, बद्रीप्रसाद ढुंगेल र सुमन काफ्लेलाई अन्तर क्याम्पस फुटबलको जिम्मेवारी तोकिएको छ । यस्तै, मदनराज बराल र बिरेन्द्र कार्कीलाई भलिवल, पद्मादेवी पन्धाक र सिर्जना खतिवडालाई कवडीको जिम्मेवारी तोकिएएको छ । खेलका लागि श्याम सुब्बा र जीवन भट्टराईलाई डोरी तान्न, छेलोका लागि सुमन निरौला, लङ्ग जम्पका लागि युवराज सुवेदी तथा देवराज नगरकोटीलाई सहजकर्ताको जिम्मेवारी तोकिएको छ । यस्तै, बुद्दिचाल प्रतियोगिताका लागि शान्तिराम दाहाल र १०० मिटर दौडका लागि रामचन्द्र भट्टराई र निर्मला काप्mलेलाई जिम्मेवारी तोकिएको छ ।
उद्घाटन समारोहमा क्याम्पस सञ्चालक समितिका पदाधिकारी, क्याम्पसका प्राध्यापक, कर्मचारी, विद्यार्थी युनियनका पदाधिकारी तथा विद्यार्थीहरूको उल्लेखनीय सहभागिता रहेको थियो । कार्यक्रम स्ववियू सभापति सहदेव काफ्लेको सभापतित्वमा भएको थियो ।
विश्वविद्यालय अनुदान आयोग नेपालबाट गुणस्तर सुनिश्चितता प्रत्यायानको प्रमाणपत्र प्राप्त गर्न सफल जनता क्याम्पसमा स्नातक तहमा बिएड, बिबिएस, बिए, बिआइसिटिई तथा स्नातकोत्तरतर्फ एमएडसँगै एमबिएसका शैक्षिक कार्यक्रम सञ्चालन गरेको छ । कक्षा ११ र १२ का शैक्षिक कार्यक्रम पनि सञ्चालन गरेको छ । यहाँ पाँच हजारभन्दा बढी विद्यार्थी अध्ययनरत रहेको सहायक क्याम्पस प्रमुख सञ्जिव यादवले बताए ।