संसद् विघटनसँगै, संविधान र आफनै दलमा आगो लगायो – पहाडी

इनरुवा । मानवतावादी नेता कृष्ण पहाडीले वर्तमान प्रधानमन्त्री खड्ग प्रसाद ओलीले संसद विघटनसँगै संविधानमा आगो लगाएको आरोप लगाएका छन् । सुनसरीको इनरुवामा आयोजित मधेशी नागरिक समाजको अन्तरक्रियालाई सम्वोधन गर्दै कृष्ण पहाडीले प्रधानमन्त्री केपी शर्मा ओलीले संसद् विघटनसँगै, संविधान र आफनै दलमा आगो लगाएको उनले आरोप लगाएका छन् ।
नेपालमा जनताले दाह संस्कार गरिसकेका राजावादीहरु समेत केपी शर्मा ओलीको कदमले सलबलाउन थालेको उनले बताए । जनताको अधिकारहरु जोखिममा परेका छन् , उनले भने केपी शर्माले संविधानमा आगो लगाउनुभयो । चोरले पनि तीन घर छाडेर चोरी गर्छन तर केपी शर्मा ओली अल्पत्रमा परेर आफनै दलमा आगो लगाए, संसद्मा आगो लगाए र संविधानमा आगो लगाएर देशलाई अस्तव्यस्त बनाएको पहाडीले आरोप समेत लगाएका छन् ।

देश चरम निराशामा छन् ,उनले भने , दलहरुप्रति नागरिक खुशी छैन् । कुशासनका कारण नागरिक खुशी छैन् । नेपाल कम्यूनिष्ट पार्टीमा लेनदेनका कारण विवाद उत्पन्न भएको उनले बताए । नेपाली जनता नजिक भएर सबैलाई नियालेर हेरिरहेका छन् उनले बताए । वर्तमान प्रधानमन्त्री ओलीले बोलेको कुनै ठेगान नभएको पहाडीले जिकिर समेत गरें ।
संसद् विघटन गरेपछि सबै संयन्त्रहरु प्रधानमन्त्री ओलीले आफनो कब्जामा लिएकोले देश कुनै बेला पनि ठूलो दुर्घटना हुन सक्ने संकेत गर्दै ओलीको बोली माथि भरोसा नभएको पहाडीको कथन छ । प्रधानमन्त्रीले जसरी संसद विघटन ग¥यो त्यसैरी नै आफनो शासन लागू गरेर चुनाव गराएर अराजकता ल्याउन खोजेको समेत उनले आरोप लगाए ।

बिभिन्न समयमा ओलीले विवादस्पद अभिव्यक्ति व्यक्त गरेर देशमा द्वन्द्व निम्ताउन खोजेको हुनाले उनको वचनको कुनै टुङ्गो नहुने समेत नेता पहाडीको भनाई छ । अन्तरक्रिया कार्यक्रममा पहाडीले वर्तमान प्रधानमन्त्रीले गरेको कार्यहरुको विरोध मात्रै गरेका छन् । संसद् विघटन असवैधानिक र अलोकतान्त्रिक कदम विरुद्ध नागरिक समाज एकजुट भएर अगाडि बढ्नुपर्ने उनको भनाई छ ।
नेपाली कांग्रेस सुनसरीका सभापति एवं १ नम्बर प्रदेशका प्रमुख प्रतिपक्षी दलका नेता राजीव कोइरालाले संसद् विघटन विरुद्ध नागरिक समाजले गाउँकेन्द्रीत हुदैैं जिल्लामा अग्रसर हुनुपर्ने बताए । देशमा परिवर्तन ल्याउनेहरु नै संसद् विघटन गरेको आरोप समेत उनले लगाए । संसद् विघटन विरुद्ध जनता अन्दोलनमा होमिन आग्रह समेत उनले गरें ।

निवर्तमान सांसद सीताराम मेहताले वर्तमान प्रधानमन्त्री केपी शर्मा ओलीले जनताको अधिकारबाट बञ्चित गराएको बताए । संसद् विघटन विरुद्ध जनता सडकमा जुरमुराएर आएकोले संसद् पुनःस्थापना हुनेमा विश्वास व्यक्त गरें ।
मधेशी नागरिक समाजका सहजकर्ता तथा पत्रकार रामरिझन यादवले मातृभाषालाई संरक्षण र सम्वद्र्धन गर्नुपर्ने बताउँदै संसद् पुनस्र्थापना गर्नुपर्नेमा जोड दिएका छन् । यादवले मातृभाषा मैथलीलाई प्रोत्साहन गर्दै मधेशका जनताले मधेशी भाषामा बोले राम्रो हुने बताए । मधेशी नागरिक समाज कुनै पनि संस्थामा आवद्ध नभएको उनले बताए । देश विकट परिस्थितीमा गुज्रिरहेको बेला मधेशी नागरिक समाजले नेतृत्वदायी भूमिका निर्वाह गरेको समेत उनले बताए ।
कार्यक्रममा नागरिक समाजका अगुवा देवराम मधेशीले संसद् विघटन असवैधानिक भएपनि तोकिएको निर्वाचनमा भने सबै सहभागि हुनुपर्ने बताए । उनले संविधान निर्माण भएपछि उत्पीडित जाति समुदायले समतामूलक समाजको कल्पना गरेपनि त्यसो नभएकोमा चिन्ता व्यक्त गर्दै जनताको जनादेश लिन निर्वाचन उपयूक्त माध्यम भएको बताए । त्यसै शिक्षक लिलानाथ सिलवालले निर्वाचन जनताको जनमतको लागि भएकाले निर्वाचन गर्दा सबै नागरिक सहभागि हुनुपर्नेमा जोड दिए । त्यस्तै अधिकारकर्मी चुन्नी खातुनले संविधानको रक्षाको लागि संसद् पुनस्र्थापना जरुरी रहेको बताईन् । उनले संसद् विघटन गरेर जनता र संविधान दुबैलाई अपमान गरेकोले त्यसलाई सच्याउन जरुरी रहेको दाबी गरिन् ।