रबिन्द्र यादव / नवलपरासी पश्चिम
नवलपरासी पश्चिममा विभिन्न मुद्दामा फरार रहेका ५ जना अभियुक्तत लाई प्रहरीले पक्राउ गरेको छ ।
जिल्ला अदालतबाट २०५६ सालदेखि २०७० सालसम्मका विभिन्न मितिमा फैसला भई तत्काल सजाय भुक्तान गर्न बाँकी रहेका अभियुक्तलाई पक्राउ गरिएको जिल्ला प्रहरी कार्यालय नवलपरासीले मंगलबार जानकारी दिइएको हो ।
प्रहरीका अनुसार बर्दघाट नगरपालिका,प्रतापपुर गाउँपालिका र सरावल गाऊपालिका अन्तर्गत जालसाजी मुद्दामा २ जना सवारी ज्यान मुद्दामा १ जना र चोरी मुद्दामा १ जना फरार गरी ४ जनालाई ईलाका प्रहरी कार्यालय सेमरीले पक्राउ गरेको हो ।
यसैगरी कुटपिट मुद्दामा १ जनालाई प्रहरी चौकी गोबरहियाले पक्राउ गरेको हो ।
१ महिना ५ दिन कैद र ३१ हजार ४ सय रुपैयाँ जरिवाना रहेको ५ जना फरार अभियुक्तहरुलाई आवश्यक कारवाहीको लागि जिल्ला अदालतमा पेश गरिएको र अदालतबाट लगत अनुसारको कारवाही भएको प्रहरीले जनाएको छ ।
जिल्ला प्रहरी कार्यालय तथा मातहत समेतबाट मंसिर २८ गतेदेखि हालसम्म बिभिन्न मुद्धाका १४८ जना फरार अभियुक्त जिल्लाको बिभिन्न स्थानबाट पक्राउ गरी आवश्यक कारवाहीको लागि जिल्ला अदालतमा पेश गरिएको छ ।जिल्ला प्रहरी कार्यालय परासीका प्रमुख मनोज कुमार यादवको कडा निर्देशनमा फरार अभियुक्तलाई अभियानको रुपमा पक्राउ गर्न लागिएको प्रहरी स्रोतले बताएको छ । यो संगै चार महिना भित्रमा जिल्ला प्रहरी कार्यालय नवलपरासी पश्चिमले १४७ जना फरार अभियुक्तलाई पक्राउ गर्न सफल भएको छ ।
Discussion about this post