लघुवित्ति संस्थाहरुमाथि प्रहरीको निगरानी, वित्तिय संस्थालाई तनाव

सुरेन्द्र मेहता –  इनरुवा । सुनसरी जिल्लाको विभिन्न पालिकाहरुलाई कार्यक्षेत्र बनाई काम गर्दै आएको लघुवित्त संस्थाहरुमाथी पछिल्लो समय प्रश्नवाचक चिन्ह् खाडा भएको छ ।
लघुवित्त संस्थाहरुमाथी स्थानीयहरुले पछिल्लो समय प्रशनवाचक चिन्ह् खाडा गरिएको देवानगञ्जका पत्रकार जुगेश दासको भनाई छ ।
उनका भनाईअनुसार गाउँघर देखी शहरबजार सम्म कोभिड १९ दोश्रो लहरको व्यापक सक्रमण दर बढ्दै गएको बेलाबखत वित्तिय संस्थाका कर्मचारीहरु गाउँघरमा एका विहानै आएर मान्छे भेला गराई किस्ता उठाउने र किस्ता दिने काम गरेको प्रति स्थानीय वुद्धिजीवि युवाहरु आक्रोशित भएका छन् ।
स्थानीय स्तरमा कोभिड १९ को संक्रमण दर बढ्दै गएको बेला वित्तिय संस्थाका कर्मचारीहरु त्यसको कुनै मलतब नगरी मान्छे भेला गरेकोमा स्थानीयवासीहरुको दुखेसो रहेको उनले बताए ।
हुन्त इनरुवा, भोक्राहा नरसिंह, हरिनगर, कोशी ,गढी , बर्जु, र देवानगञ्ज गाउँपालिकालाई आफ्नो कार्यक्षेत्रको रुपमा विस्तार गरेको केही वित्तिय संस्थाका गैर जिम्मेवार संस्थाका कर्मचारीहरुको मनौपलीका बादजुद गाउँघरमा अझ कोभिड १९ को संक्रमण दर बढ्ने सम्भावना रहेको कारण स्थानीय युवाहरु आक्रोशित बनेका हुन् ।
दुई अघिमात्रै गाउँघरमा एक वित्तिय संस्थाले मान्छे भेला गराई लगानी गर्ने र किस्ता लिने गरेको भिडियो एक मिडियामा एकएक भाइरल भएपछि सो वित्तिय संस्थालाई तनाव समेत भएको कथन छ ।
यतिमात्रै होइन् नेपालको विभिन्न जिल्लामा दर्ता भई सुनसरीको गाउँपालिका र नगरपालिकाहरुमा संचालित लघुवित्त संस्थाहरुले कोरोना भाइरसको दोश्रो लहरको माहामारीका बीचमा पनि गाउँगाउँमा गएर किस्ता उठाउदा कोरोनाको जोखीम बढेको गुनासो एक अनआइन पत्रिकामा प्रकाशन तथा प्रशारण भएपनि प्रहरीले वित्तिय संस्था माथि कडा निगरानी थालिएको जिल्ला प्रहरी कार्यालय सुनसरीका प्रहरी उपरीक्षक कमल थापाले जानकारी दिए ।
प्रहरी उपरीक्षक थापाका अनुसार लघुवित्त संस्थाले समुदायमा गएर ऋण लागानि गर्ने, बचत संकलन र असुली गर्ने नाममा नियमित बैठक गर्ने काम जारी गरेको पाइएमा कावार्ही गरिने जानकारी दिए ।
जिल्लामा निषेधाज्ञा जारि गरिको भएपनि लघुवित्त संस्थाहरुले अहिले पनि गाउँ गाउँ गएर निर्वाद रुपमा किस्ता उठाउदैँ गरेको पाइएमा जिल्ला प्रहरी कार्यालय सुनसरी, इलाका प्रहरी र प्रहरी चौकीलाई जानकारी गराउन प्रहरी उपरीक्षक थापाले स्थानीयहरुलाई आग्रह समेत गरेका छन् ।
यता नेपाल राष्ट्रिय बैकंका प्रवक्ता देवाकुमार ढकालसंग कुरा गर्दा उनले फोन सम्वादमा भने, हामीले लघुवित्त संस्थाहरुका प्रमुख र लघुवित्त ऐसोसिएसनका पदाअधिकारीहरुलाई तत्कालको लागि गाउँ गाउँमा गएर किस्ता संकलन गर्ने काम बन्द गर्न निर्देशन दिएको बताए ।