अरविन्द पेपर मिलबाट बिना कारण निकालिएका कामदारलाई पुनः फीर्ता

सुरेन्द्र मेहता / इनरुवा । सुनसरीको भोक्राहा नरसिंह गाउँपालिका वार्ड नं.५ स्थित रहेको अरविन्द पल्प एण्ड पेपर मिल्सबाट निकालिएको कामदारहरुलाई तत्काल फिर्ता बोलाएका छन् ।
अरविन्द पल्प एण्ड पेपर मिल्सका चरम लापरवाहीका सिकार खेप्दै आएका भोक्राहा नरसिंह गाउँपालिकाका स्थानीय कामदारहरुलाई मिल्सका म्यानेजर पारस अग्रवालले आफुहरुलाई बिना कारण कामबाट निकालेर भारतीय कामदार राखेपछि आफुहरुलाई बेरोजगार बनाएको भन्दै धर्नामा बसेको कामदार संजिव यादवले जानकारी दिए ।
कामबाट निकालिएका कामदारहरुको समुहले मिल्समा धर्ना दिएपछि केही घण्टा अरविन्द पल्प एण्ड पेपर मिल्सको नियमित काम अवरुद्ध भएपछि म्यानेजरले प्रहरी समक्ष हारगुहार समेत मागेको र प्रहरी परिचालन समेत गरिएको थियो ।
धर्ना स्थगीत गराउन प्रहरी परिचालन भएपछि कामबाट निकालिएका कामदारहरु आक्रेशित बनेपछि स्थित तनावग्रस्त बनेको थियो ।
उता कामदारहरु धर्नामा बसेको थाहाँ पाएपछि जनता समाजवादी पार्टी नेपालका भातृ संगठन समाजवादी ट्रेड युनियनका प्रदेश नं.१ का उपाध्यक्ष मनोज कुमार यादव सहित विभिन्न संघ संस्थाहरुका पदाधिकारी र अरविन्द पल्प एण्ड पेपर मिल्सका व्यावस्थापनक पक्षसँग कामदार फिर्ता बोलाउने सहमति भएपछि धर्ना कार्यक्रम स्थगीत गरेका छन् ।

धर्ना कार्यक्रम स्थगीत गरेपछि दुई पक्षिय सहमति पश्चात कामबाट निकालिएको कामदारहरुलाई तत्काल हिजो बिहीबारबाटै काममा लगाइएको र मंसिर २० गते सोमबार पुनः दुई पक्षिय बीच भएको सहमतिको निश्कर्षमा पुग्ने एडमिन हेड बद्री गुरुङ्गले जानकारी दिए ।
एडमिन हेड गुरुङ्गका अनुसार अरविन्द पल्प एण्ड पेपर मिल्सका व्यावस्थापनक पक्ष एंव मिल्सका म्यानेजर पारस अग्रवाल सहित नेपाल कारखाना श्रमिक संघका रमेश थापा, समाजवादी ट्रेड युनियनका प्रदेश उपाध्यक्ष मनोज यादव , भोक्राहा नरसिंह गाउँपालिका वडा नं.५ का वडा सदस्य गनिफ अंसारी लगायतका प्रतिनिधिहरुको बीच विभिन्न छलफल गरी कामदार तत्काल फिर्ता बोलाइएको बताए ।
सो मिल्सबाट भोक्राहा नरसिंह गाउँपालिका अन्तरगत विभिन्न वडाका १६ वटा मजदुर निकालिएको थियो ।