इनरुवा । सुनसरी सदरमुकाम इनरुवामा सुनचाँदी व्यवसाय गर्दै आएका चार दर्जन व्यवसायीले शुक्रवार पसल बन्द गरेर भागेको पाइएको छ। आन्तरिक राजश्व कार्यालय इटहरीसहित राजश्व विभागका कर्मचारी इनरुवा आएपछि सुनचाँदी व्यवसायीहरुले पसल बन्द गरेका हुन्।
सुनचाँदी पसलको कारोबारका बारेमा स्थलगत जानकारी लिन राजश्व अनुसन्धान टोली आएपछि पसल बन्द गरेर भागेका व्यवसायीहरुले खरिद बिक्रीको कारोवार शंकास्पद हुन सक्ने अनुमान गर्दै आवश्यक कानुनी कारवाहीका लागि मुचुल्का उठाएर लगिएको छ।
आन्तरिक राजश्व कार्यालयका कर्मचारीहरुले इनरुवामा रहेका चार दर्जन सुनचाँदी पसलमा एकपटक अनुगमन गर्न शुक्रवार साँझ आएको सूचना पाएपछि व्यवसायीहरुले पसल बन्द गरेर सम्पर्क बिहिन बनेका थिए।
आन्तरिक राजश्व कार्यालयका कर्मचारीले बन्द रहेका सुनचाँदी पसलको सटरमा लेखिएको मोबाइलमा फोन गर्दा अधिकांश व्यवसायीले मोबाइल स्विच अफ गरेका थिए।
राजश्व विभागले इटहरी कार्यालयका कर्मचारीलाई लिएर इनरुवा आएको सूचना पाएपछि राजश्व छली र कानुन विपरित व्यवसाय संचालन गर्दै आएका व्यवसायीले पसल बन्द गरेको अनुमान अनुगमन टोलीले गरेको छ।
नेपालको ऐन, कानुन र नियमअनुसार अनुगमन:
नेपालको ऐन, कानुन र नियमअनुसार, कुनै पनि व्यवसायले नियमित रूपमा आफ्नो कारोबारको विवरण अनुगमन गराउनुपर्ने हुन्छ। आन्तरिक राजश्व विभागको राजश्व छली (कर छली) नियन्त्रण ऐन, २०५८ अनुसार, व्यवसायहरुले सबै खरिद बिक्रीको बिलिङ रेकर्ड राख्नुपर्ने प्रावधान छ।
अनुगमन टोलीले बजारमा रहेको महालक्ष्मी ज्वेलर्स नामक सुनचाँदी पसलमा विस्तृत रुपमा अनुगमन गर्दै जानकारी लिएको थियो। महालक्ष्मी ज्वेलर्सका संचालक रमेश श्रेष्ठका अनुसार अनुगमन टोलीले बिलिङको अवश्था हेर्दै खरिदबिक्रीको बारेमा जानकारी लिएको थियो। संचालक श्रेष्ठले अनुगमनका क्रममा बाणिज्य कार्यालयमा दर्ता भएको प्रमाणपत्र, प्रत्येक वर्षको दर्ता नविकरणको प्रमाणपत्र, कर चुक्ता प्रमाणपत्र, उपभोक्ताबाट सुनचाँदी खरिद गर्ने तथा बिक्री गर्ने प्रकृया, उनीहरुको विवरण तथा बैकिङ कारोबारको अवस्था बारेमा विस्तृत रुपमा जानकारी लिएको बताए।
यसैगरी, अनुगमन टोलीले अलखनिरञ्जन ज्वेलर्स नामक सुनचाँदी पसलमा पुगेर संचालक मधु स्वर्णकारसँग कारोबार तथा बिलिङ खरिदबिक्रीका बारेमा जानकारी लिएको थियो।
इनरुवा सुनचाँदी व्यवसायी संघमा इनरुवा क्षेत्रमा रहेका ४६ वटा सुनचाँदी पसलका व्यवसायीहरुले सदस्यता लिएर संगठित भएको पाइएको छ।
यता नेपालको ऐन, कानुन र नियमहरुको पालना गर्दै व्यवसाय सञ्चालन गर्नुपर्ने हुन्छ। राजश्व छली तथा कानुनी प्रक्रियाहरुबाट बच्न व्यवसायीहरुले नियमित अनुगमन र खरिद बिक्रीको सही रेकर्ड राख्नुपर्ने आवश्यकता हुन्छ। अनुगमनको क्रममा राजश्व छलीको शंका गरिएको अवस्थामा कानुनी कारवाही हुने भएकाले व्यवसायीहरुले यसमा ध्यान दिनुपर्ने देखिन्छ।
Discussion about this post